In de lästen twäi Jaohre was dat eene Saake, de för de mäisten Lüe unmöglich was: Wegföhrn. Urlaub maken. Verräisen. Döa Corona was an Wegwesen lange Tied nich an to denken. Tohuuse is dat ja uck wall moi, aower een will doch aff un tau uck maol wat anneres saihn. Maol wat erleben un annere Länner off Städte bekieken, off uck maol nix daun, dat hört doch doatau. De lästen twäi Jaohre häff dat för us uck noch maol klar wiest: Wegföhrn un wat erleben, dat is een Deel van’t Läven. Dat will een nich missen.
Die Bidräge in düsse Utgave van den Nettelkönning 11 befasst sick daorüm met dat „Wegwesen“:
- Spinalonga – veneziaansche un osmaansche Geschicht op Kreta
- Petra – Hauptstädt van de Nabatäer
- Pilgern
- Noorddüütske Natuur un sportlik Pläseer up d’ Ostfriesland-Wanderweg
- Per Rad naoh de Vergangenheit: Megalithkulturstraote
In düsse Utgave giff dat uk wäer Bidräge in’n Westfäölsken Sprachkurs un näie plattdütske Wöer in de Rubrik Ik maok di Platt!
Wi wünscht jau bi’t Läsen vääl Pläsier!
Düsse Bidrag is schriewen in Emslänner PLatt.
