Eine plattdeutsche online-Zeitschrift

Ene plattdütske Tietschrift

in Kultur by
image_pdfimage_print

Häst all hört? Et giff nu ene plattdütske Tietschrift in’t Internet?

Ja, so is dat. Lüe, de sik gerne met de plattdütske Spraoke utenanner setten dait, de käönt hier Artikels in düsse Spraoke läsen. Aower nich bloots dat, se käönt uk Bidräge schriewen un dann hier öffentlich maken laten, wenn se willt. Wat man daotau maken muss, dat staiht in de Autorenhinweise, de unnen up düsse Siete to finnen bünt.

Plattdütsk is man vor allem ene Spraoke, de praotet un nich faoken schriewen wärd. Ampat giff et doch masse Lüe, de gerne in ehre Modderspraoke schriewen dait. Wenn düsse Geschichten un Berichte blots een paar Lüe to läsen kricht, dann was dat schade. Mit düsse Tietschrift schall dat anners wäern. Plant is, 2 of 3 Maol in’t Jaohr ene neije Utgave van den Nettelkönning to maken. Elke Utgave schöll een besünneres Thema häbben. In de erste Utgave gaiht dat üm Mönster, de Stadt met ere Besünnerheiten, Waohrteken un Attraktionen:

Un denn köönt se wat lehren över den Nettelkönning und woa man Kartuffelpannkoeken und Knabbelstuten up westfäölske Aort maken dait.

De Nettelkönning wärd rutgääven van Lüe van de Universität Münster. Doa giff dat dat Centrum für Niederdeutsch, woa man dat Plattdütske unnersäuken un Texte un Upnaohmen van’t Plattdütske sammeln dait. Ene Upgave van’t CfN is uk, sik üm den Gebruk van’t Plattdütske Gedanken to maken.

Düsse Bidrag is schriewen in Emslänner Platt.

3 Comments

  1. Glückwunsch zur glänzenden Idee: Mir gefällt die Erstausgabe des „Nettelkönning“! Die Auswahl der Themen, das gewählte Sprachniveau, weiter so in Vielfalt! Ich lerne Plattdeutsch fast wie eine Fremdsprache, der Nettelkönning ist ein willkommener Anlass für mich, unsere liebe Regionalsprache anzuwenden.

    Heinz Heidbrink, Stadtheimatpfleger Münster

  2. Moin!
    Den Nettelkonning is ne heele moie Idee um dat Platt an’t Leven to hollen un wietertodrägen. Ik sölws bin tüschen Emsland un Groafschupp met Platt upwasssen en wohn nu in Münster. Et is för mi een Stück tohuus wenn ik de Sproake hier noch maol höar en ok met well proaten of küren kann. Je öller man wött desto mehr markt men
    doch wo wichtig de Modersproake is en dat se enen genau so wo ene Moader „inn Arm nemmen kann“. Platt is för mi Wörmte un Geborgenhejd.
    Doat men wieter so, ik wünsch u ne heele Masse Erfolg!

    Heike El Shoura

  3. Gudden Dag leive Lüe von de plattdütske Tietschrift!

    Heb ih Wunnebar makt den Nettelkonning.
    Wi sinn Lüe ut Billebieck de sik geen in plattdütske unnehollen dot
    und dat emol inne Werk bin Plattdütsketreff .
    Bin up jue Websit kurm do ik to Winachten vör usse WhatApp Gruppe en Bidrag
    socht heff. Wegen Corona sind de Plattdütsketreffen utfalln.
    Dorüm de Winachtsgeschicht up Mönsterlänner Platt.
    Wi sinn met Platt upwasssen un jue plattdütske Tietschrift helpt us dat Platt an’t Leven to hollen
    Gesäignte Winacht un en glüksiälig ni Jaor 2021 ut Billebieck int Mönsterland.
    Wilhelm Fliß

Schreibe einen Kommentar

Your email address will not be published.

*

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.

Latest from Kultur

Emslandschriewerske

De plattdüütsken Schriewerkes und Schriewer, de vandaage in ehre plattdütske Modderspraoke Vertellsers
Go to Top